Kryeministri i Kosovës, Albin Kurti ka pritur në takim babin dhe motrën e policit të vrarë ne veri të Mitrovicës, Enver Zymberi.

Ai këtë e ka bëtë të ditur përmes një postimi në Facebook. Kurti ka thënë se me babin e Enverit, Muharrem Zymberin kanë qenë një  vit bashkë në burgun e Pozharevcit.

Kurti ka thënë se sakrifica e Enverit s’do të harrohet kurrë.

“Me 26 korrik sivjet bëhen 10 vjet nga rënia e heroit Enver Zymberi. Në zyren time prita Muharrem Zymberin, babain e tij, me të cilin kemi qenë për një vit bashkë në burgun e Pozharevcit. Baca Rremë erdhi të më vizitonte me vajzën Shyhrete Zymberi-Brahimi dhe djalin Çlirimin, i cili i shërben vendit si pjesëtar i Policisë së Kosovës. Përveç bisedës, u ndjeva shumë i nderuar që Arsim Sadiku, miku i Enverit, më kishte bërë një dhuratë të cilën mund ta shihni në foto. Sakrifica e Enverit nuk do të harrohet kurrë, kurse emri i tij do të kujtohet përherë”, ka shkruar Kurti./ arbresh.info/